"Dialoq.az" xəbər agentliyi xəbər verir ki, Kütləvi İnformasiya Vasitələri İşçilərinin Həmkarlar İttifaqının rəyasət heyətinin qərarı ilə yazıçı, şair, jurnalist, Azərbaycan Jurnalistlər Birliyinin üzvü, ictimai xadim Natiq Əlisoy növbəti dəfə mükafatlandırılıb. Haqq ədalət naminə erməni vəhşiliklərini dünya ictimayətinə çatdırılmasında və ölkəmizin uğurlu inkişafı yolunda gənclərə milli vətənpərvərlik ruhunun təbliğində, vətəndaş hüquqlarının qorunmasında yazdığı maarifləndirici publisistik məqalələrə görə  "Azərbaycanın fəxri" media mükafatı ilə təltif olunub. Qeyd edək ki, yazıçı Natiq Əlisoy bundan əvvəl "Qızıl qələm", Ulu öndər", "Ali Baş Komandan", "2021 ilin vətənpərvər şairi" media mükafatları ilə təltif edilib. Yazıçı, şair, jurnalist, ictimai xadim Natiq Əlisoy "Müharibənin görünməyən qəhrəmanları", "Heydər Əliyev fenomeni və ordu quruculuğu", "Vətənə layiqli oğul gərəkdir", "Zirvə", "Göyərçin əllər" adlı əsərlərin, 100-dən artıq məqalələrin müəllifidir, sözlərinə 50-dən çox mahnılar yazılıb. Yazdığı bədii əsərlər Azərbaycan, Rusiya, Türkiyə, Cənubi Azərbaycan, Qazaxıstan və bir çox ölkələrdə qəzetlərdə, jurnallarda, televiziya və radiolarda işıqlandırılıb.