Dialoq.Az xəbər verir ki, Yevlax rayonunda Azərbaycan Respublikası Milli Qəhrəmanlarını Tanıtma İctimai Birliyinin Yevlax Rayon Nümayəndəliyinin sədri, Vətən müharibəsi iştirakçısı, “Azərbaycan Bayrağı” ordenli, Azərbaycan Jurnalistlər Birliyinin üzvü Mədəd Süleymanov, Azərbaycan Respublikası Milli Qəhrəmanlarını Tanıtma İctimai Birliyinin Yevlax rayon Nümayəndəliyinin sədr müavini, “Dialoq.Az” xəbər saytının rəhbəri, Yazıçı-şair, Azərbaycan Jurnalistlər Birliyinin və Türk Ağsaqqalları İctimai birliyinin üzvü, hərbi ekspert Natiq Əlisoy, Azərbaycan Respublikası Milli Qəhrəmanlarını Tanıtma İctimai Birliyinin üzvləri Vətən müharibəsi iştirakçısı, ehtiyatda olan mayor Azər Əzizov, ehtiyatda olan baş leytenant Emin Süleymanov Şəhid Ceyhun Savalan oğlu Əyyubovun ailəsini ziyarət edib.
Ziyarətə Yevlax rayon şəhidlər xiyabanından başlayan nümayəndə heyəti tərəfindən Şəhid Ceyhun Əyyubovla bərabər bütün Yevlax rayon Şəhidləri ziyarət olunub, onların ruhlarına dualar oxunub və onlara Allahdan rəhmət dilənib. Bundan sonra ziyarətçilər tərəfindən Şəhid Ceyhun Əyyubovun ailəsi və Şəhidin evində yaradılmış xatirə muzeyi ziyarət edilib, Şəhidin keçdiyi döyüş yolundan, həyatından söhbət açılıb və Şəhidin anası Arzu xanım Əyyubovaya Azərbaycan Respublikası Milli Qəhrəmanlarını Tanıtma İctimai Birliyinin adından "Qəhrəman ana" fəxri fərmanı ilə təltif edilib. Sonda Azərbaycan Respublikasının xalq artisti Həsən Ağasoyun ifasında, şair Natiq Əlisoyun "Şəhid Ceyhun qardaşım" adlı şeirinə hazırlanmış videoçarx Şəhidin ailəsinə təqdim edilib.
Allah Şəhidlərimizə rəhmət eləsin!















Dialoq.Az