Cənab İlham Əliyevin 7 fevral 2024-cü ildə keçiriləcək növbədənkənar prezident seçkilərində namizədliyinin irəli sürülməsi Azərbaycan xalqının iradəsinin təzahürüdür. Belə bir qərarın verilməsi isə obyektiv gerçəkliklərdən irəli gələn tarixi və mənəvi-siyasi zərurət idi. Cənab İlham Əliyev 20 ildə Azərbaycan xalqına verdiyi bütün vədlərə əməl edib. Onun uzaqgörən, qətiyyətli, cəsarətli və möhkəm siyasi iradəsi nəticəsində xalqımızın xəyal kimi təsəvvür etdiyi və ağlına gətirə bilmədiyi yüz il davam edən Qarabağ kimi mürəkkəb münaqişəni həll edərək Azərbaycanda separatizmin və terrorçuluğun birdəfəlik kökünü kəsib, ölkənin ərazi bütövlüyünü təmin edərək suverenliyini bərpa edib. Bununla da cənab İlham Əliyevin liderliyi altında Azərbaycan sıçrayışlı inkişaf yolu keçərək son iki yüz ildən artıq müddtədə xaqlımızın şahidi olmadığı möhtəşəm tarixi qələbələrə və zəfərlərə imza atıb. Azərbaycan bu 20 ildə davamlı olaraq zəfər dolu zirvələrə doğru irəliləyib. Nəticədə xalqımız dünyanın qalib xalq titulunu qazanıb. Azərbaycan isə dünyanın ən nüfuzlu, güclü və qüdrətli ölkələrindən birinə çevrilib.
Yürüdülən bu uğurlu siyasət nəticəsində Cənubi Qafqazda tamamilə yeni reallıqlar dayanıb. Yaranan reallıqlar isə Azərbaycanın qarşısında yeni hədəflər və çağırışlar qoyur.
Bu eyni zamanda ölkəmizin qarşısında siyasi siteminin daha da güclənməsini zəruri edir. Bütün bunların yolu isə yeni seçkilərdən keçir.
Yeni hədəf daha güclü Azərbaycandır. Qarşıdakı hədəflərə çatıb yeni zirvələri fəth etmək isə ancaq və ancaq cənab İlham Əliyevin liderliyi altında yürütdüyü uzaqgörən, qətiyyətli və cəsarətli siyasət nəticəsində mümkündür.
Xalqımız cənab İlham Əliyevin liderliyi altında Azərbaycanı yeni zəfər dolu zirvələrə götürəcəyinə əmin olduğundan onun ətrafında sıx yumruq kimi birləşəcək və yeni-yeni zəfələri qeyd edəcək.

Milli Məclisin deputatı İlham Məmmədov

Dialoq.az