Dialoq.az xəbər verir ki, son günlərdə Yevlax rayon Rüstəmli kəndində kəndin küçə yolları kənd sakinlərinin şəxsi vəsaiti hesabına təmir olunur, yollar texnikalarla hamarlanır və yollara qrabil örtüyü çəkilir. Qeyd etməliyik ki, Yevlax rayon Rüstəmli kəndinin daxili yolları uzun illər idi ki, baxımsız halda idi. Hətta qış aylarında yağış, qar yağanda demək olar ki, kəndin daxili yollarında istər avtomobillə, istərsə də piyada hərəkət etmək çox çətin idi. Düşünürəm ki, yəqin ki, buna görə də kənd sakinləri belə bir təşəbbüs irəli sürüblər ki, özləri öz yollarını düzəltməsələr illər keçsə də onların yollarını heç kim düzəltməyəcək. Necə deyərlər sözün əsl mənasında kəndin yolu yoxdursa, onu düzəltməkdən də başqa "yol" yoxdur!






Yazıçı, hərbi ekspert, Azərbaycan Yazıçılar və Azərbaycan Jurnalistlər Birliyinin üzvü Natiq Əlisoy

Dialoq.az