Dialoq.az xəbər verir ki, son illər ərzində Yevlax şəhərində bir çox uğurlu təmir-tikinti, quruculuq işləri aparılıb. Bu barədə yazıçı, Azərbaycan Jurnalistlər və Azərbaycan Yazıçılar Birliyinin üzvü Natiq Əlisoy Dialoq.az xəbər saytına fikirlərini bildirib:

Qeyd etməliyik ki, Ölkə Prezidenti, Müzəffər Ali Baş Komandan, cənab İlham Əliyevin rəhbərliyi ilə ölkəmizin bütün regionlarında, rayon, şəhər, qəsəbə və kəndlərində böyük quruculuq layihələri uğurla icra olunur. Yollar salınır, müasir tələblərə cavab verən məktəb, uşaq bağçaları, mədəniyyət sarayları, idman kompleksləri tikilir, vətəndaşların asudə vaxtlarının səmərəli keçirmələri üçün müasir tipli parklar salınır, uşaqların əylənmələri üçün əyləncə mərkəzləri yaradılır və s.
Ölkəmizin bütün regionlarında olduğu kimi bu gün Yevlax şəhərində də sistemli, ardıcıl və planlı şəkildə quruculuq, təmir-bərpa işləri sürətlə davam etdirilir və sözügedən sahəyə yüksək diqqət ayrılır.

Qeyd etməliyik ki, son bir neçə ildə Yevlax şəhərində bir neçə park salınıb, bir neçəsi yenidən bərpa edilib, şəhərin estetik gözəlliyini yaxşılaşdırmaq üçün uğurlu işlər görülüb, yaşıllıqlar salınıb, şəhərin su, qaz, elektrik, kanalizasiya sisteminin texniki imkanları gücləndirilib, səkilərin daş döşəməsi yenilənib. Aparılan böyük təmir-bərpa işləri çərçivəsində şəhərin daha da füsünkar görünməsi üçün plana salınan təqdirəlayiq işlərdən biri də son günlərdə şəhərin bir neçə mərkəzi küçə və prospektlərin kəsişmələrində qaz borularının bərpası və həmin ərazilərdə yol kəsişmələrinin yeni görkəmə salınması üçün aparılan işlərdir.

Sözügedən təmir-tikinti işləri ilə bağlı Yevlax şəhər İcra Hakimiyyətindən aldığım məlumata əsasən şəhərin bir neçə hissəsində qaz xətlərində sızma olduğu üçün həm köhnə qaz xətləri yeni politren borularla əvəzlənəcək, həm də həmin hissələrdə yollar və yol ətrafı ərazilər daha gözəl görkəmə salınacaq,- Deyə Natiq Əlisoy Yevlax şəhər İcra Hakimiyyətindən aldığı məlumata əsasən bildirib.
























Dialoq.az