"Dialoq.az" xəbər verir ki, Yevlax Rayon Mərkəzi Xəstəxanasının İctimaiyyətlə Əlaqələr bölməsinin müdiri Elçin Baxşalızadə 07 aprel 2024-cü il tarixdə Yevlax şəhərində Məmməd Əmin Rəsulzadə küçəsi ilə Qamboy Quliyev küçəsinin kəsişməsində baş vermiş ağır yol nəqliyyat hadisəsi zamanı xəsarət almış xəstələrlə bağlı açıqlama verib:

"07 aprel 2024-cü il tarixində saat 13:00 radələrində Yevlax şəhərində baş vermiş yol-nəqliyyat hadisəsi ilə əlaqədar xəsarət almış 2 nəfər Yevlax Rayon Mərkəzi Xəstəxanasının Təcili tibbi yardım şöbəsinə yerləşdirilmişdir.

Hadisə zamanı xəsarət alanlardan 1967-ci il təvəllüdlü (kişi cinsli) şəxsə aşağı ətrafın müxtəlif nahiyələrinin sınmış, yerini dəyişmiş travması diaqnozu təyin edilmişdir. Vəziyyəti ağır qiymətləndirilən pasiyent ixtisaslaşmış tibb müəssisəsinə təxliyə olunmuşdur.

Digər xəsarət alan 1976-cı il təvəllüdlü (kişi cinsli) şəxsə ilkin tibbi yardım göstərilmişdir və vəziyyəti qənaətbəxş hesab olunan pasiyent ambulator müalicə üçün evə buraxılmışdır,-Deyə Elçin Baxşalızadə bildirib".







Dialoq.az

Xəbəri paylaşın və şahid olduğunuz hadisələr haqqında məlumatı bizə göndərin.
Əlaqə: 055-655-48-84