Aprelin 17-də Yevlax rayonu Rüstəmli kənd sakini Kərimov Elşən Məhyəddin oğlu atasının yas mərasimində qara maskalı şəxslər tərəfindən saxlanılıb.
Bu barədə Elşən Kərimovun qardaşı Pərviz Kərimov "Dialoq.az" xəbər saytına bildirib.
Onun sözlərinə görə, Rusiya vətəndaşı olan qardaşı 1994-cü ildən Moskva şəhərində yaşayır:

"O, atamızın yas mərasiminə gəlmişdi. Dünən atamın yeddi mərasimi idi. Qara maskalı beş nəfər iki avtomobildə gəldilər və bildirdilər ki, xaricdən gələnləri bələdiyyədə qeydiyyata alırlar, qardaşım onlarla getməlidir və bu adla qardaşımı apardılar. Sonra öyrəndik ki, qardaşımı əvvəlcə rayon prokurorluğuna, oradan isə Bakıya aparıblar,- Deyə Pərviz Kərimov bildirib"

Onun sözlərinə görə, qardaşı əvvəllər də Rusiyadan Azərbaycana gəlib və hər hansı problemlərlə üzləşməyib.
Faktla bağlı araşdırma davam etdirilir.


Dialoq.az