Aprelin 6-da Ağdaş rayonu Hüşün kənd C.Şirinov adına ümumi orta ümumtəhsil məktəbinin müəllim və şagirdləri cari ilin aprel ayının ümumi təhsil müəssisələrində tarix və coğrafiya fənn aylığı elan olunması və eləcə də Aprel döyüşlərinin ildönümü ilə əlaqədar olaraq Bakı şəhərində ümummilli lider Heydər Əliyevin məzarı və Şəhidlər Xiyabanını ziyarət edib, önünə gül dəstələri qoyub, əziz xatirəsini böyük ehtiramla yad ediblər.

Daha sonra müəllim-şagird kollektivi Hərbi Qənimətlər Parkına, Zəfər Parkına, Bayraq Meydanı və Azərbaycan Milli Tarix Muzeyinə ekskursiya ediblər.

Məktəblilər Parkdakı eksponatların arasında ermənilərin qoyub qaçdığı atıcı silahlar, ağır texnikalar, raket kompleksləri, hərbi nəqliyyatlar və Azərbaycan Silahlı Qüvvələrinin azad olunan ərazilərdə qənimət götürdüyü 2 mindən çox avtomobilin nömrə nişanlarına baxış keçiriblər.

Daha sonra ekskursiya iştirakçılarına xalqımızın Qarabağ uğrunda apardığı Vətən müharibəsində qazandığı böyük tarixi Qələbə barəsində dolğun məlumat verilib, məktəbliləri maraqlandıran sualları cavablandırılıb.

Qeyd edək ki, ekskursiyanın məqsədi məktəblilərin asudə vaxtının səmərəli təşkili, həmçinin onların dünyagörüşünün genişləndirilməsi, xalqımızın qədim tarixi, mədəni irsi, milli-mənəvi dəyərləri haqqında bilik səviyyəsinin yüksəldilməsindən ibarətdir.

Qeyd edək ki, Mərkəzi Aran Regional Təhsil İdarəsinin müvafiq əmri ilə cari tədris ilinin aprel ayı ümumi təhsil müəssisələrində tarix və coğrafiya aylığı elan olunub. Qeyd edək ki, cari tədris ili üzrə Fəaliyyət Planına uyğun olaraq digər ayların müvafiq fənn aylığı elan olunması nəzərdə tutulur. Fənn aylığı çərçivəsində “Tədbirlər Planı”na uyğun olaraq müxtəlif tədbirlərin, “açıq dərs”lərin, fənn dərsdinləmələrinin, müxtəlif yarış və müsabiqələrin keçirilməsi nəzərdə tutulur.
Qeyd edək ki, bu barədə məlumatı Mərkəzi Aran Regional Təhsil İdarəsi paylaşım edib.









Dialoq.az