Tanınmış yazıçı Natiq Əlisoyun "Müharibənin görünməyən qəhrəmanları" adlı əsəri işıq üzü görüb. Əliyev Natiq Fazil oğlu (Natiq Əlisoy) 1984-cü il aprelin 18-də Yevlax rayon Rüstəmli kəndində anadan olub. 1990-cı ildə Yevlax rayon Rüstəmli kənd orta məktəbinin 1-ci sinfinə gedib, 1999-cu ildə həmin məktəbin 9-cu sinfini bitirib və Bakıda Cəmşid Naxçıvanski adına Hərbi Liseyə daxil olub. 2002-ci ildə həmin liseyi bitirib Heydər Əliyev adına Azərbaycan Ali Hərbi Məktəbinə daxil olub, 2 ildən sonra öz arzusu ilə Heydər Əliyev Adına Azərbaycan Ali Hərbi Təyyarəçilik Məktəbinə təyinat alıb. 2006-cı ildə həmin məktəbi Hava Hücumundan Müdafiə ixtisası üzrə radiolokasiya kəşfiyyatçısı kimi bitirib. 2006-2007-ci illərdə Silahlı Qüvvələrin Təlim-Tədris Mərkəzində təkmilləşdirmə kursunu bitirib və "N" saylı hərbi hissədə xidmətə başlayıb. Hal-hazırda Hərbi Hava Qüvvələrində xidmət edir. Bədii yaradıcılığa gənc yaşlarımdan başlayıb. "Vətənə layiqli oğul gərəkdir" adlı şeir kitabı, "Heydər Əliyev fenomeni və odu quruculuğu" adlı elmi-publisistik əsəri, "Müharibənin görünməyən qəhrəmanları" adlı tarixi-avtobioqrafik romanı çap olunub. Sözlərinə onlarla mahnılar yazılıb. Şeirləri, məqalələri bir çox qəzet və jurnallarda dərc olunub, eyni zamanda mətbuatda, televiziya və radiolarda mütəmadi işıqlandırılır.  Bundan Əlavə şeirləri "Göyərçin əllər" və "Zirvə" adlı poeziya toplularında çap olunub. Azərbaycan Jurnalistlər Birliyinin üzvüdür, "Qızı qələm", "Ulu Öndər" mükafatı lauriyatıyatıdır.