Yevlaxda iki həmkəndli arasındakı köhnə dava faciə ilə nəticələnib.

Dialoq.az xəbər verir ki,hadisə iyulun 23-də Yevlax rayon Hacıselli kəndində baş verib.

İlkin məlumata görə, 1984-cü il təvəllüdlü Eşqin İsmayılov odlu silahdan açılan atəş nəticəsində həyatını itirib.

Hadisənin təxminən ilyarım əvvəl tərəflər arasında baş vermiş münaqişə zəminində törədildiyi bildirilir.

Belə ki, kənd sakinləri Eşqin İsmayılov və 1963-cü il təvəllüdlü Natiq Abbasov arasında əvvəllər də ədavət olub. Hətta tərəflər arasında əvvəllər baş vermiş münaqişə nəticəsində Eşqin İsmayılov məhkəmənin qərarı ilə 8 ay müddətinə azadlıqdan məhrum edilibmiş.

Qeyd edək ki, baş vermiş cinayət hadisəsi ilə bağlı Natiq Abbasov şübhəli şəxs qismində saxlanılaraq istintaqa təhvil verilib.

Faktla bağlı araşdırma davam etdirilir.

Dialoq.az