“Həmin matçdan sonra nə qədər yatdım? Matçdan dərhal sonra geri qayıtdıq, amma yata bilmədim. Emosiyalar mənfi idi, çünki matçı uduzduq”.

“Dialoq.az ” xəbər verir ki, bunu Polşa mətbuatına müsahibəsində “Qarabağ”ın qapıçısı Mateuş Koxalski deyib.

O, Çempionlar Liqasının əsas mərhələsinin 5-ci turunda “Napoli”yə 0:2 hesabı ilə uduzduqları oyundan və matçda dəf etdiyi penaltidən danışıb: “Adətən, mən öz küncümü seçirəm. Amma bu dəfə təhlil etdiyim oyunçular arasında Höylund yox idi. Başqa iki oyunçu var idi. Ona görə də bir az düşünməli oldum. Bütün Azərbaycan xalqı üçün “Qarabağ” qürur mənbəyidir. Həmişəki kimi, liqada yaxşı çıxış edirik, çünki komanda Çempionlar Liqası üçün qurulub. ÇL-ə qatılmazdan öncə hamı düşünürdü ki, biz burada rəqiblərə qol belə vura bilməyəcəyik. Heç kim bu cür çıxış gözləmirdi. Qarşıda 3 oyunumuz var və biz pley-off-a vəsiqə qazana bilərik”.

Koxalski rəqiblərin Azərbaycana uzun məsafəli uçuşlar etdiyi üçün şikayətlənməsinə də münasibət bildirib: “Kimsə təyyarədə uzun vaxt keçirdiyinə görə bizə qarşı rahat oynaya bilmədiyini deyəndə gülürəm. Çünki biz də təyyarələrdə zaman keçiririk. Amma yenə də xal qazanırıq, matçlara yaxşı hazırlaşırıq”.

Qolkiper gələcək karyerasından danışıb, Azərbaycana yeni gəldiyi zamanları xatırlayıb: “Gələcək üçün hədəflərim? Düzü, Azərbaycanda özümü yaxşı hiss etmirdim. Avropaya qayıtmaq istəyirdim, amma qaldım və bu, mənim üçün uğurlu oldu. Bəs indi nə olacaq? İnkişaf etməyə davam etmək və daha yüksək səviyyələrə çatmaq istəyirəm. Bu xəyallar uğrunda mübarizə aparmaq istəyirəm”.

Polşalı çərçivə qoruyucusu ötən il Avropa Liqasının əsas mərhələsində İngiltərənin “Tottenhem” klubuna 0:3 hesablı məğlubiyyətlə nəticələnən oyunu unutmaq istədiyini bildirib: “Görünüşün əksinə olaraq, bunu mümkün qədər tez unutmaq istərdim. Çünki sadəcə zəif oynadım. İnanıram ki, nə vaxtsa bu səviyyəli rəqiblə qarşılaşmaq və ya Premyer Liqada oynamaq imkanım olacaq. Bu, mənim ən böyük arzumdur”.

M.Koxalski hazırkı çıxışından razı olmadığını da deyib: “Hazırda çıxışımdan tam razı deyiləm. Çox oynayıram, bu yaxşıdır. Çünki məşqçi məni seçib. Hər matç məni inkişaf etdirir və bu ÇL-in matçlarında özünəinamıma müsbət təsir edir. Öyrəndim ki, istənilən komanda ilə bərabər şərtlərlə oynaya bilərsən. Həmişə belə bir komandada olmaq istəmişəm”.

“Qarabağ”ın üzvü Azərbaycan ən çox təəccübləniyi anı xatırlayıb: “Yeni binada mənzilə baxmaq üçün getdim. Maraqlıdır ki, orada bir neçə nəfər əlində gül, kameralarla məni qarşıladı. Şoka düşdüm. Əvvəllər heç vaxt belə şey yaşamamışdım. Belə şeylərin məşhurlar üçün olduğunu düşünürdüm. Mən məşhur deyildim və indi də deyiləm. Amma çox xoş idi. Sonradan isə məni və agentimi Azərbaycan yeməkləri yeməyə dəvət etdilər. Müxtəlif mənzilləri gəzdirdilər. Bunu əbədi xatırlayacağam”.

Qapıçı Azərbaycanda niyə çətinlik çəkdiyini də açıqlayıb: “Sevgilim hələ də Polşada oxuduğu üçün burada təkəm. Tamamilə fərqli bir mədəniyyətlə qarşılaşdığım üçün uyğunlaşmaqda bir az çətinlik çəkdim. Bunun öhdəsindən gəldim və həmkarlarım məni yaxşı qarşıladılar”.

Koxalski Polşa ilə Azərbaycanı müqayisə də edib: “Əlbəttə ki, Azərbaycanı tamamilə fərqli təsəvvür etsəm də, Polşailə nisbətdə təhlükəsiz ölkədir. Heç bir dava-dalaş, küçələrdə sərxoş insanlar və ya evsiz insanlar görmədim”.

Polşa millisinin oyunçusu Qurban Qurbanov barədə də danışıb: “Hələ ki, belə bir şəxsiyyətə malik məşqçi ilə qarşılaşmamışam. O, oyunçularla çox danışmır, yalnız ciddi bir şey baş verəndə söhbət edir. Onunla işləməkdən zövq alıram və yanaşmasını bəyənirəm. Çünki Qurban Qurbanov hər matçda öz standartlarımızı müəyyən etməyimizi istəyir. Bu, ötən il “Qarabağ”ın UEFA Avropa Liqasının 1/8 finalında “Bayer Leverkuzen”lə əla iki oyunluq çətin matçlardan (2:2 və 2:3) sonra mübarizədən kənarlaşdırıldığımız zaman özünü göstərdi. İndi azarkeşlərdən narahat olmamağımı və “Qarabağ”ın Avropada həmişə belə uduzduğunu düşünməməyimi xahiş edən mesajlar alıram. Bir sözlə, məşqçi Qurbanov müstəsna bir fiqurdur OŞ bir çox başqa yaxşı klublarda işləyə bilərdi, amma burada o, əsas rol oynayır”.

“Ötən il Avropa Liqasında yalnız bir qələbə qazandınız. Qurban Qurbanov məğlubiyyətlərə necə reaksiya verirdi?” sualını o, belə cavablandırıb: “Fasilələrdə əsəbiləşirdi, amma məğlubiyyətlərdən sonra qışqırmamasına təəccüblənmişdim. Mümkün 18 xaldan yalnız üç xal topladıq. Fikir vermişəm ki, “Qarabağ”da rəqibin gücündən asılı olmayaraq, məqsəd eynidir. Biz yalnız müdafiə olunmaq yox, yüksək təzyiq göstərmək və hücum etmək istəyirik. Bu, bəzilərinə gülünc səslənə bilər, amma qol buraxana qədər hər komandaya qarşı yaxşı oynadıq. T”ottenhem”ə qarşı komandaya kömək etmədim, amma şanslarımız oldu və hətta penalti də qaçırdıq”.