Konfransda Yevlax bələdiyyəsini Yevlax Şəhər Bələdiyyəsinin sədri İsmayıl Hüseynli təmsil edib.
Konfrans çərçivəsində keçirilən “Şərq Tərəfdaşlığı regionunda CoM-un 15 ili: nəticələr və dərslər” adlı panel müzakirəsində Mingəçevir Bələdiyyəsinin sədri Anar İsmayılov moderator qismində çıxış edib.

Panel zamanı region ölkələrində həyata keçirilən iqlim və enerji təşəbbüsləri, yerli özünüidarəetmə sahəsində əldə olunan təcrübələr, həmçinin gələcək əməkdaşlıq perspektivləri ətrafında fikir mübadiləsi aparılıb.
Tədbirdə Avropa İttifaqının dəstəyi ilə dayanıqlı şəhər inkişafı, enerji səmərəliliyi, yaşıl transformasiya və iqlim dəyişikliklərinə qarşı mübarizə istiqamətində həyata keçirilən layihələr və strateji yanaşmalar müzakirə olunub. Konfrans müxtəlif ölkələrin yerli idarəetmə nümayəndələri üçün qarşılıqlı təcrübə mübadiləsi, innovativ yanaşmaların paylaşılması və beynəlxalq əməkdaşlığın genişləndirilməsi baxımından mühüm platforma rolunu oynayıb.
Konfransda Azərbaycanı Mingəçevir, Yevlax, Xırdalan, Quzanlı, Horadiz və Şəki bələdiyyələrinin nümayəndələri təmsil edib.

Dialoq.az