Azərbaycan Mətbuat Şurasında əməkdar jurnalist, "Tərəqqi" medallı, uzun illər Azərbaycan jurnalistikasına və xüsusilə bölgə mətbuatının inkişafına dəyərli töhfələr vermiş Əminə Yusifqızının 75 illik yubileyinə həsr olunmuş tədbir keçirilib.

Tədbirdə çıxış edənlər yubilyarın zəngin həyat və fəaliyyət yolundan bəhs edərək onun Azərbaycan mətbuatında özünəməxsus yer tutduğunu bildiriblər. Qeyd olunub ki, Əminə Yusifqızı ömrünün yarım əsrdən çoxunu jurnalistikaya həsr edib, Yevlax rayonunda nəşr olunan "Kür" qəzetinin inkişafında və bölgə mətbuatının formalaşmasında mühüm xidmətlər göstərib. Onun peşəkarlığı, prinsipial mövqeyi və jurnalistikanın inkişafına verdiyi töhfələr tədbir iştirakçıları tərəfindən yüksək qiymətləndirilib.
Yubiley mərasimində çıxış edən media nümayəndələri, ictimai xadimlər və ziyalılar Əminə Yusifqızını təkcə peşəkar jurnalist kimi deyil, həm də yüksək insani keyfiyyətlərə malik, vətənpərvər və fədakar ziyalı kimi xarakterizə ediblər. Bildirilib ki, onun fəaliyyəti gənc jurnalistlər üçün örnək məktəbdir.

Əminə Yusifqızının jurnalistika ilə yanaşı, ictimai fəaliyyət sahəsində də mühüm xidmətləri olduğu, şəhidlərimizin həyat və qəhrəmanlıqlarına həsr olunmuş kitabların müəllifi kimi milli-mənəvi dəyərlərin təbliğinə töhfə verdiyi vurğulanıb.

Biz də Dialoq.az xəbər saytının rəhbərliyi və kollektivi adından əməkdar jurnalist Əminə xanım Yusifqızını 75 illik yubileyi münasibətilə səmimi-qəlbdən təbrik edir, ona möhkəm cansağlığı, uzun ömür, ailə səadəti və yeni yaradıcılıq uğurları arzulayırı.

.

.

.

.

.

.

.

.

.

.

.

.

Natiq Əlisoy
Yazıçı-şair, Azərbaycan Yazıçılar Birliyinin və Azərbaycan Jurnalistlər Birliyinin üzvü, Dialoq.az xəbər saytının baş redaktoru

Dialoq.az