Yevlax rayon Uşaq-Gənclər-İdman-Şahmat məktəbində keçirilən bir çox idman növlərindən biri də güləş idman növüdür. Rayon gəncləri arasında ən çox maraq demək olar ki, idmanın bu sahəsinədir. Sevindirici haldır ki, ölkəmizin gələcəyi hesab olunan gənclər gənc yaşlarında idmana cəlb olunmaqla sağlam ruhda və tərbiyədə böyüyürlər. Bunun üçün məktəbin rəhbərliyi və məşqçi-müəllimləri bu istiqamətdə yüksək səylə çalışırlar. Onlar gənclərə fiziki tərbiyə aşılamaqla bərabər, həm də gənclərin pis vərdişlərdən uzaq olmaları üçün böyük töhfələr verirlər. Gənclərə həm məşqçi-müəllim, həm də valideyn qayğısı göstərən peşəkar müəllimlər gənc idmançıların nizam-intizamına, səliqə-səhmanına xüsusi diqqət edir və onlara gələcəyin döyüşçüsü kimi vətənpərvər ruhda yetişmələri üçün əllərindən gələnləri əsirgəmirlər.
Biz də "Dialoq.Az" xəbər agentliyi olaraq gənc idmançılarımıza uğurlar arzu edirik!








Yazıçı, jurnalist, hərbi ekspert Natiq Əlisoy