Sosial Xidmətlər Agentliyinin İdarə Heyətinin sədri Vüqar Behbudov növbəti vətəndaş qəbulunu Yevlax şəhərində keçirib. Bu barədə Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyi paylaşım edib.

Paylaşımda deyilir:
Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyi tərəfindən mütəmadi olaraq keçirilən vətəndaş qəbulları davam etdirilir. Agentliyin İdarə Heyətinin sədri Vüqar Behbudov budəfəki vətəndaş qəbulunu Yevlax şəhərində keçirib. 
Qəbulda 30-a yaxın imtiyazlı şəxs iştirak edib. 
İştirakçılar Agentliyin fəaliyyət istiqamətlərinə aid məsələlərlə bağlı müraciətlərini bildiriblər. Hər bir müraciət qeydiyyata alınıb və həll edilməsi üçün aidiyyəti üzrə tapşırıq verilib.
Mənzil, avtomobil, sanatoriya-kurort yollayışları ilə təminat və digər sosial məsələlərlə bağlı müraciəti olan hər bir imtiyazlı vətəndaş qəbullarda iştirak edə bilərlər. Bunun üçün Agentliyin (012) 525-41-30 (daxili 5625) telefon nömrəsinə zəng etmək, sxa@sosial.gov.az elektron poçt ünvanına məktub göndərmək, yerli filiala yaxınlaşmaq, həmçinin sosial şəbəkə hesablarına müraciət etmək mümkündür.















Dialoq.az